Angel Locsin, namili ng relief goods sa Davao para sa mga biktima ng lindol

Pinagkaguluhan ng mga Dabawenyo ang aktres na si Angel Locsin matapos makita sa loob ng isang grocery store sa Uyanguren, lungsod ng Davao kahapon.

Nakasuot pa ito ng sombrero para di makilala ng mga tao ngunit nang makumpirmang ang aktres nga ay agad itong dinumog upang magpapicture.

Kasama ni Angel ang kanyang fiance na si Neil Arce.

Napag-alaman na namili ng 58 sakong bigas ang aktres na para umano ibigay sa mga biktima ng lindol sa Mindanao.