Anti-red tape powers sinertipikahang urgent ni Pangulong Duterte

Sinertipikahan ni Pangulong Rodrigo Roa Duterte, araw ng Miyerkules bilang urgent ang batas na magbibigay sa kanya ng kapangyarihan upang mapabilis ang pagkuha ng mga lisensya at permit sa gitna ng COVID-19 pandemic.

Pinasalamatan ni Senador Bong Go si Pangulong Duterte para sa sertipikasyon kung saan ay pinapayagan ang Senado na aprubahan ang Senate Bill No. 1844 sa ikatlong pagbasa.

“Kailangan po natin itong maipasa agad para matulungan na makabangon ang ekonomiya at mapabilis ang public service delivery, lalo na sa panahon ng national emergencies, tulad ng krisis na dulot ng COVID-19,” ayon kay Go.

Sinabi ni Senate Majority Leader Juan Miguel Zubiri na tatalakayin mamaya ng mga senador ang unang agenda sa plenary session.

Sa ilalim ng Senate Bill No. 1844, kung may national emergencies gaya ng health emergency, bibigyan ang Pangulo ng kapangyarihan na suspendihin ang ilang requirements at paiksiin ang panahon ng pagkuha ng mga dokumento gaya ng transaksyon sa gobyerno.

Si Senate Majority Leader Juan Miguel Zubiri ang nag-sponsor sa panukala. Co-sponsor naman sina Sen. Bong Revilla Jr. at Sen. Christopher “Bong” Go, na dating assistant ni Duterte.

Sa kanyang sponsorship speech, sinabi ni Zubiri na masakit makita na hanggang ngayon na may coronavirus disease 2019 (COVID-19) pandemic ay hindi pa rin nawawala ang problema sa red tape, at maging si Duterte mismo ang nagpahayag ng pagkadismaya rito.

“The measure will also grant powers beyond telecommunications. This is important, as industries begin their road to recovery. We will need to streamline and expedite the process for issuance of local and national permits, licenses, and certifications to help us all transition,” aniya.

Ayon pa kay Zubiri, nagdagdag sila ng probisyon sa panukala na nagbibigay-diin sa kapangyarihan ng pangulo na mag-alis o magsuspeinde ng opisyal ng gobyerno o empleyado na masasangkot sa red tape at korapsyon.

Malaking tulong naman ito para hindi maghikahos at agad makabangon ang ekonomiya at hindi malugmok ang mga kababayan, ayon kay Revilla.

Para naman kay Go, isa ito sa panukalang batas na ipinakiusap ng Pangulo sa liderato ng Senado at Kamara. Dagdag niya, matagal na ang problema sa red tape at korapsyon sa hanay ng gobyerno.

“Katulad po ng sinabi ng Pangulo sa kanyang pakikipag-usap sa publiko noong nakaraang Lunes, why would they take one month when it can be done in one week or even three days?”

Sabi pa Go, inihayag ni Interior Government Secretary Eduardo Año sa Pangulo na simula noong Lunes ay bumilis ang pag-apruba ng mga local government unit ng mga permit at lisensya.

Tumaas din aniya ang mga aprubado nang aplikasyon ng mga permit.

Malaki naman umano ang maitutulong ng panukalang batas sa mga negosyo lalo na sa mga bumabangon mula sa pandemya, ayon kay Senator Manny Pacquiao.

Facebook Comments

Leave a Reply

This site uses Akismet to reduce spam. Learn how your comment data is processed.