Franchise renewal ng ABS-CBN, nasa kamay muna ng Kamara – Malacañang

Hindi bengatibong tao si Pangulong Rodrigo Duterte.

Tugon ito ni Chief Presidential Legal Counsel at Spokesperson Salvador Panelo, nang matanong tungkol sa franchise renewal ng ABS-CBN na nakatakdang mapaso sa March 2020.

Wala mang direktang sagot nang tanungin kung absolute ba ang mga nagdaang pahayag ng Pangulo na hindi nito aaprubahan ang prangkisa ng nasabing TV network, sinabi na lang ni Panelo na isang mabuting tao ang Pangulo.

Expression lang daw ang gayung mga pahayag ng Presidente dahil na rin sa pagkainis.

Sa ngayon aniya ay nasa kamay pa muna ng Kamara ang bola matapos na ihain ni House Deputy Speaker Vilma Santos-Recto ang bill sa franchise renewal ng broadcast network na inaasahang pag-uusapan ng Committee on Legislative Franchise sa pagbabalik ng sesyon nito sa susunod na buwan.

Facebook Comments

Leave a Reply

This site uses Akismet to reduce spam. Learn how your comment data is processed.