Mayor Isko Moreno magbibigay ng P500 buwanang tulong sa mga mag-aaral sa Grade 12, PWD, solo parents, at senior citizens.

Pinirmahan ni Manila Mayor Isko Moreno ang dalawa niyang ordinansa bilang bagong alkalde ng lungsod.


Una sa ordinansa ang pagbibigay niya ng buwanang tulong pinansiyal na P500 para sa mga Grade 12 student sa pampublikong paaralan, persons with disability (PWD), solo parents at senior citizens.

Sa ilalim ng Ordinance No. 8564, lahat ng Grade 12 students sa mga public school sa Maynila ay makakatanggap ng P500 monthly allowance sa city government.

Para mag-qualify dito, dapat mapanatili ng estudyante ang good standing niya at dapat residente o registered voter sa Maynila.

Nasa hiwalay namang Ordinance No. 8565 ang cash aid para sa solo parents, senior citizens at PWDs.

Para sa mga senior citizen, dapat 60-anyos na ang mga ito, residente o registered voters ng Maynila at dapat nasa listahan ng Manila Office of Senior Citizens’ Affairs.

Samantala, para mag-qualify naman ang PWDs at solo parents, dapat residente o registered voters ng Maynila at nasa listahan ng Manila Department of Social Welfare.

Facebook Comments

Leave a Reply

This site uses Akismet to reduce spam. Learn how your comment data is processed.