Pananahimik ng CHR sa pagpatay sa bodyguard ni Atty. Glenn Chong, pinuna ng netizens

Umaani na ng batikos mula sa mga netizen ang pananahimik ng Commission on Human Rights (CHR) sa kaso ng pagpatay sa bodyguard ni Atty. Glenn Chong.

Sa kanilang post sa social media, dapat kumikilos na si CHR Chairman Chito Gascon para imbestigahan ang kaso ni Richard Santillan, tulad ng ginagawa nitong pag-iingay kapag may mga sibilyan na namamatay sa war on drugs ng pamahalaan na ang sangkot ay mga pulis.

Base sa forensic examinations na ginawa ng Public Attorney’s Office (PAO), nakitaan ng mga tortured mark sa katawan ni Santillan, taliwas sa pahayag ng pulisya na namatay ito sa ‘shootout’ sa Cainta, Rizal kasama ang isang babae noong Disyembre 10.

Anila masyadong halata ang CHR na may kinikilingan lalo pa at ang napatay ay kasama ni Atty Chong. Si Chong ang nagbunyag sa talamak na dayaan noong nagdaang eleksyon.

Ayon sa PAO forensics team na pinangunahan ni Dr. Erwin Erfe, nagtamo ng 63 sugat sa iba’t ibang bahagi ng katawan si Santillan at 11 dito ay gunshot wounds.

Nakitaan din ito ng bakas ng dugo sa utak, palatandaan ng trauma bunga ng paghataw ng matigas na bagay sa ulo at mga sugat dahil sa saksak.

Facebook Comments

Leave a Reply

This site uses Akismet to reduce spam. Learn how your comment data is processed.