Pangulong Duterte iniimbestigahan na ang mga magulang ni Trillanes sa mga anomalyang transaksiyon sa gobyerno

Iniimbestigahan na ang mga naging transaksiyon sa gobyerno ang nanay ni Senador Antonio Trillanes IV.

Sinabi ni Pangulong Rodrigo Duterte na tahimik na nag-iimbestiga ang gobyerno sa mga pinasok na transaksiyon ng ina ni Trillanes sa gobyerno noong nasa serbisyo pa ang ama nito sa Philippine Military Academy (PMA).

“We are looking into the paper, we are investigating quietly. ‘Yung mga deals sa panahon ng tatay niya, pati ‘yung involved ang nanay. And he can be very sure na lalabas lahat ‘yan,” sabi ng Pangulo.

Tiniyak ng Pangulo na ilalabas nila ang mga dokumentong magpapatunay na sangkot sa mga government transaction ang ina ni Trillanes.

Ito aniya ang tinatawag na transactional corruption na siyang ibinibintang ng senador sa kanyang pamilya.

Patutunayan aniya ni Pangulong Duterte na ang pamilya ng senador ang tiwali sa sandaling makita ang mga dokumento.

Inakusahan din ng Presidente si Trillanes na hindi naghirap sa PMA training dahil nasa loob lang ito ng opisina ng kanyang ama at kumakain ng mga pagkain ng gobyerno.

“Trillanes was inside his father’s office, walang ginawa kundi kumain ng peanut butter at inubos ang pan doon. Kaya ganon ka you acted like a spoiled brat,” dagdag ng Pangulo.

Facebook Comments

Leave a Reply

This site uses Akismet to reduce spam. Learn how your comment data is processed.