Super Typhoon Rolly, nag-landfall na kanina sa Catanduanes — PAGASA

Nag-landfall na kaninang 4:50 ng madaling araw si super typhoon Rolly sa vicinity ng Bato, Catanduanes.

Ayon sa PAGASA, sa loob ng 12 oras makakaranas pa ng malalakas na hangin at ulan ang lalawigan ng Catanduanes, Camarines Norte, Camarines Sur, Albay, northern portion ng Sorsogon, central at southern portions ng Quezon.

Sinabi ng PAGASA na asahan pa na muli pang magla-landfall ang bagyo sa southern portion ng Camarines Sur o sa northern portion ng Albay ngayong umaga.

Pagkatapos nito tatawirin na ng bagyo ang Camarines Provinces patungo sa direksyon ng CALABARZON area mamayang hapon.

Si super typhoon Rolly ay patuloy na gumagalaw pakanluran timog kanluran sa bilis na 25 kilometers/hour, taglay pa rin nito ang lakas ng hangin na 225 kilometers/hour malapit sa gitna at bugso ng hanggang 280 kilometers/hour.

Nakataas na ang Wind Signal #5 sa Catanduanes, Albay, eastern portion ng Camarines Sur (Caramoan, Presentacion, Garchitorena, Lagonoy, Tinambac, Calabanga, Siruma, Tigaon, Bombon, Magarao, Camaligan, Gainza, Canaman, Milaor, Naga City, Minalabac, Balatan, Bula, Pili, Ocampo, Goa, San Jose, Sagnay, Buhi, Iriga City, Baao, Nabua, Bato)

Habang signal #4 naman sa Camarines Norte, ilang lugar sa Camarines Sur, northern portion ng Sorsogon (Donsol, Pilar, Castilla, Sorsogon City, Prieto Diaz, Gubat, Barcelona, Juban, Casiguran, Magallanes), Burias Island, central at southern portions ng Quezon (Atimonan, Padre Burgos, Agdangan, Plaridel, Unisan, Gumaca, Pitogo, Macalelon, Catanauan, General Luna, Mulanay, San Francisco, San Andres, San Narciso, Buenavista, Lopez, Guinayangan, Tagkawayan, Calauag, Quezon, Alabat, Perez), Marinduque, northern portion ng Romblon (Concepcion, Corcuera, Banton).

Itinaas naman ng PAGASA ang Signal #3 sa ilang lugar sa Sorsogon, northern portion ng Masbate (Mobo, Masbate City, Milagros, Uson, Baleno, Aroroy, Mandaon) kabilang ang Ticao Island, iba pang lugar sa Quezon kabilang ang Polillo Island, Laguna, Batangas, Cavite, Rizal, Metro Manila, Bulacan, Pampanga, Bataan, southern portion ng Zambales (San Marcelino, San Felipe, Olongapo City, Subic, Castillejos, San Antonio, San Narciso, Botolan, Cabangan), central portion ng Romblon (Calatrava, San Andres, San Agustin, Romblon, Magdiwang, San Fernando, Cajidiocan), northern portion ng Occidental Mindoro (Sablayan, Mamburao, Santa Cruz, Abra de Ilog, Paluan) kabilang ang Lubang Island, northern portion ng Oriental Mindoro (Bongabong, Gloria, Bansud, Pinamalayan, Socorro, Pola, Victoria, Naujan, Calapan City, Baco, San Teodoro, Puerto Galera) kasama din sa Northern Samar sa Visayas.

Signal #2 naman ang Aurora, Nueva Vizcaya, Quirino, Benguet, La Union, Pangasinan, ilang lugar sa Zambales, Tarlac, Nueva Ecija, ilang lugar sa Oriental at Occidental Mindoro, ilang ligar sa Romblon, at Masbate

Sa Visayas, signal no. 2 din ang northern portion ng Samar (Catbalogan City, Jiabong, Motiong, Paranas, Hinabangan, San Sebastian, Tarangnan, Pagsanghan, San Jorge, San Jose de Buan, Matuguinao, Gandara, Santa Margarita, Calbayog City, Santo Nino, Almagro, Tagapul-An), northern portion ng Eastern Samar (San Julian, Sulat, Taft, Can-Avid, Dolores, Maslog, Oras, San Policarpo, Arteche, Jipapad), extreme northern portion ng Antique (Pandan, Libertad, Caluya), at northwestern portion Aklan (Buruanga, Malay, Nabas, Ibajay).

Nakataas naman ang signal #1 sa Mainland Cagayan, Isabela, Apayao, Kalinga, Mountain Province, Ifugao, Abra, Ilocos Norte, Ilocos Sur, at Calamian Islands at sa bahagi ng Visayas ang ilang lugar sa northern portion ng Antique (Sebaste, Culasi, Tibiao, Barbaza, Laua-An), ilang lugar sa Aklan, Capiz, northern portion ng Iloilo (Lemery, Sara, Concepcion, San Dionisio, Batad, Estancia, Balasan, Carles), northern portion ng Cebu (San Remigio, Bogo City, Medellin, Daanbantayan) kabilang ang Bantayan Islands, Biliran, ilang lugar sa Samar, ilang lugar sa Eastern Samar, northern portion ng Leyte (San Isidro, Tabango, Villaba, Matag-Ob, Palompon, Ormoc City, Pastrana, Palo, Calubian, Leyte, Kananga, Capoocan, Carigara, Jaro, Tunga, Barugo, Alangalang, Santa Fe, Tacloban City, Babatngon, at San Miguel).

Facebook Comments

Leave a Reply

This site uses Akismet to reduce spam. Learn how your comment data is processed.