Viral: Guro na nagpost ng malisyosong larawan ni Pangulong Duterte, humingi ng tawad sa publiko

Humingi ng tawad si Teacher Laarni Villaluz ng Maryhill College ng Lucena City sa kanyang malisyosong post na larawan ni Pangulong Rodrigo Duterte.

Sa kanyang post, makikita ang edited na larawan ng pangulo na nakadapa habang kumakain ng dog food at malinaw na ang orihinal na photo ay ang pagbisita ng ni Pangulong Duterte sa Jolo, Sulu kung saan humalik ito sa lupa bilang respeto sa mga kapatiran nating mga Muslim at sa mga biktimang namatay sa magkasunod na pambobomba sa nasabing lugar.

Pinagmumukhang aso ni Villaluz ang pangulo na nag viral sa social media at umani ng iba’t ibang reaksiyon mula sa netizens.

Galit ang karamihan sa tinuran ng guro laban kay Pangulong Duterte.

Ayon sa ilan, hindi raw sapat ang kaniyang sorry dahil sa idinulot nitong kawalang paggalang sa pangulo at sinabing dapat na maging magandang halimbawa ito sa kaniyang mga magaaral.

Habang ang isa naman bagamat ipinagtanggol at sinabing ang lahat ay may karapatan na patawarin ngunit iginiit na hindi ito karapat dapat na maging guro .

Sa ngayon ay aminado si Villaluz na hindi siya nag isip sa kaniyang ginawa at lubos nitong tinatanggap ang kanyang pagkakamali.

Humingi rin ito ng paumanhin sa kaniyang pamilya dahil sa aniya’y kahihiyang idinulot ng kaniyang post sa social media.

Nagpaabot din siya ng mensahe sa Department of Education at sa buong komunidad ng mga guro sa bansa dahil sa kumalat na larawang tumutuligsa kay Pangulong Duterte.

At sa kaniyang mga estudyante, batid aniya nito ang pagkadismaya ng lahat sa kaniyang ginawa at posibleng nag iba na ngayon ang tingin ng mga ito sa kaniya bilang kanilang guro.

Nakahanda rin si Villaluz na tanggapin ang magiging desisyon ng mga otoridad kaugnay sa kaniyang tinuran.

Samantala, nagbigay na ng opisyal na pahayag ang eskwelahan kung saan nagtuturo si Villaluz.

Ayon sa inilabas nitong statement, kinondena nito ang ginawa ni Villaluz kay Pangulong Duterte at sinabing hindi nito hahayaan ang anumang gawain ng kanilang mga tauhan na labag sa batas, sa moralidad at mga polisiya ng gobyerno.

At bilang isang Catholic school, iginiit nitong, nananatili ang kanilang pagpapahalaga sa kagandahang asal na isa sa maraming halimbawa ng catholic teachings

Ayon sa pahayag ng Maryhill College, “We deeply regret the recent incident being attributed to one of our school teachers relatively to an online post that has gone viral depicting the President of the Republic of the Philippines in a disrespectful and distasteful manner. The Maryhill College, Inc. does not and will not countenance any act – contrary to law, morals or public policy – by any of its personnel,”

“As a Catholic Marian Institution, we reiterate our school’s commitment to promote and uphole our core values – particularly the practice of the Marian virtues such as humility, charity, and respect for persons. In line with the Catholic church’s teachings, we work relentlessly to inculcate among our employees and students the value of conducting their daily affairs with integrity and in accordance with Christian moral principles,…”

Nilinaw din ng paaralan na nagpalabas na sila ng administrative action para kay Villaluz pero hindi na nito pinaliwanag ang nasabing aksiyon na ginawa.

Samantala, wala pang opisyal na pahayag ang Department of Educationg hinggil sa nasabing insidente.

Matatandaang, nito lamang nakaraang mga buwan, isang guro din ang naipakulong at kalauna’y nakalabas din dahil sa ginawang hamon nitong pagpatay kay Pangulong Duterte, sa halagang P50 milyong.

Facebook Comments

Leave a Reply

This site uses Akismet to reduce spam. Learn how your comment data is processed.