Viral video: isang babaeng nagsasayaw sa b-day ng isang opisyal ng PhilHealth sa Region 4-B
Ayon sa Palasyo, Task Force na ang bahala sa kung anong legal na hakbang ang dapat ikasa kaugnay ng lumabas na video ng isang babaeng sumasayaw na naka-under wear lang sa birthday party ni PhilHealth Regional Vice Presidente Region 4-B Paolo Johann Perez.
Sinabi ni Presidential Spokesperson Secretary Harry Roque na nasa Task Force na ang bola partikular sa kung anong asunto ang dapat isampa at kung sino ang dapat idemanda.
Saklaw na aniya ng trabaho ng Task Force ang pagsilip sa insidente na una na ring nasilip ng Senado.
Video Courtesy: Kabataan for DU30
Makikita sa video na nakaupo sa office chair at napapalibutan ng mga kasamahan nito ang opisyal, habang sinasayawan ng isang babae.
Kaugnay nito’y una na umanong iginiit ni Perez na pinigilan niya ang programa at sa halip ay sinabihan ang kanyang mga staff na kumain na lamang.